حط إيديك علي الجرح
للشاعر محـمد ضباشه
————
والله لا أنا بـــربري ….
ولا حاطط ع الدماغ عمة
ولا وهي مكسورة ….
عنوة … أرفعها بالضمة
ولا جوايا …. هواجس
بتخرب فـــــي دي الذمـة
ولا علمائنا شايفين
الفتوي علي الإمة
وكل الشاشات حبلي
فــي فـتاوي لأإمة
حط يدك علي الجراح
وفتش عــــن الأسباب
تلقي اللي ضاع إنحرف
لما دور الدولة غاب
في المدارس والمساجد
والكنائس واللي شاب
وكل ما يخبط علينا
نقفل في وشه الباب
نقي بالعقل التراث
وكفاية لخبطة
ولا علشان الكراسي
عايشين بالحليطة
وخايفين منه تقربوا
وسايبين الناس متمرمطة
ابنوا عقول الشباب
وغيروا الحالة
وكفاية اللي فينا عاب
من جهل وبطالة
وكفاية علينا إرهاب
بالخسة وندالة
بيصفي في أرواحنا
والعافية متشالة
لموا حبال الفتاوي
اللي في بحر غويط
واللي ال كل الخوارج
نازلين بها تنطيط
دول حتي بيموتوني
وأنا ماشي جنب الحيط
اهتموا بالعلم يطرح
سلم طوالي
وابنوا عمل للشباب
اللي قاعد خالي
وكسروا كل الشاشات
اللي تدس السم
لو ناوي يا عم
بلدنا …… تحلالي
